جەنۇبىي ئافرىقا ۋاسىتىلىرىنىڭ دىيىشىچە ، لىبودى بازىرىدا ئولتۇرۇشلۇق 50 ياشلىق بىر ئەر ئۇزۇن مەزگىل دەمسىقىلىش كېسىلىگە  گىرىپتار بولغان بولۇپ ، 23 - چىسلا كەچتە ئەھۋالى ئېغىرلىشىپ ھوشىدىن كەتكەن .بىراق ئۇنىڭ ئۈيىدىكىلىرى ئۇنى ئۆلدى دەپ ئويلاپ دەپنە ئىدارىسىغا تېلىفۇن  قىلغان .
         دەپنەن ئىدارىسىنىڭ خوجايىنى A ocean of : « بىز ئۇ يەرگە بارغاندىن كىيىن ، شوپۇر ئاۋۋال ئۆلگۈچىنىڭ بەدىنىنى ، يۈرەك سوقۇشىنى تەكشۈرۈپ ئۇنىڭ ئۆلگەنلىكىگە جەزىم قىلغاندىن كىيىن ئاندىن ئۇنى جەسەت ساقلاش ئۈيىگە ئەكىرىپ قويغان ئىدۇق ، بىراق 24 - چىسلا توڭلىتىلغىلى 21 سائەت بولغان جەسەت تۇيۇقسىز قۇتقۇزۇڭلاردەپ توۋلاپتۇ . شۇ ۋاقىتتا دىجورنىلىق قىلىۋاتقان ئىككى نەپەر خادىم قورقۇپ جىنغا يولۇقتۇق دەپ قېچىپ چىقىپتۇ ، مەن گەرچە جىنلىقىغا ئىشەنمىگەن بولساممۇ بىراق بەكلا قورقتۇم . لېكىن ئۇلارنىڭ باشلىقى بولۇش سۈپىتىم بىلەن ئۇلارغا قورقمايدىغانلىقىمنى بىلدۈرىشىم كېرەك بولغانلىقى ئۈچۈن  ساقچىلارغا خەۋەرقىلدىم » دېدى . ساقچىلار كەلگەندىن كىيىن جەسەت خادىمى بىلەن بىرلىكتە ئاۋاز چىققان توڭلىتىش ئىسكىلاتىغا كىرگەن ۋە چىرايى ئاقىرىپ ، پۈتۈن بەدىنى مۇزلاپ دىر - دىر تىترەۋاتقان تىرىك ئادەمنى كۆرگەن . ئۇلار ئەرنىڭ تېخى ئۆلمىگەنلىكىنى بايقاپ دەرھال ئەتراپتىكى دوختۇرخانىغا ئېلىپ بېرىپ بىر كېچە كۈزەتكەندىن كىيىن ، ئۇنىڭ دوختۇرخانىدىن چىقىشىغا رۇخسەت قىلغان . ئۇ 25 - چىسلا : « تۈنۈگۈن كىچىچە قار بېسىپ ئۇخلىيالمىغانىدىم ، بۈگۈن خېلى ياخشى ،  28 - چىسلا يەنە بىر قېتىملىق تەكشۈرتۈشنى قوبۇل قىلىمەن » دېدى . ئۇنىڭ ئۈيىدىكىلىرى ئۇنىڭ تېخى ھايات ئىكەنلىكىنى ئاڭلاپ ناھايىتى خوشال بولغان .