قانداق قىلاي پەرەڭلەردەك چاچلىرىڭنى ،
يۆتكەپ سىزىپ ،چېكىۋاپسەن قاشلىرىڭنى،
ئەرۋاھلاردەك بويىۋاپسەن كۆزلىرىڭنى،
تەبئىيلىكتىن ئايرىۋەتتىڭ يۈزلىرىڭنى ،
تاقىتىم يوق ئاڭلىغىلى سۆزلىرىڭنى .

تىرنىقىڭنى ئالۋاستىدەك بويىۋاپسەن،
تار ئىشتاننى ، كەپلەپ قىستاپ كىيىۋاپسەن ،
مەيدە يەنە كىندىكىڭنى ئېچىۋاپسەن ،
شۇ تۇرقىڭدا كوچىلاردا ئۇيالماسەن ،
ئەخلاقىغا كېسەل تەككەن ھەي مودا قىز

مەتۇ دەپسەن چىمەن دوپپا، ئەتلىسىڭنى ،
ئۇنتۇپ كەتتىڭ مىللىتىڭنى ، كىملىكىڭنى،
يوقاتتىڭ سەن سەبئىيلىكىڭ ،پاكلىقىڭنى ،
خىرۇستالدەك بېغۇبار ھەم ئاقىلىقىڭنى ،
ئار-نۇمۇسنى ئۇنتۇپ كەتكەن ھەي مودا قىز،

ئىچىپ پىۋا، قىزىل ھاراق ، ئاق ھاراقنى،
بۇلغىۋەتتىڭ ئېتقادىڭ، ئىمانىڭنى،
تۇتۇپ قالدىڭ ياتىقىڭدا يىگىتلەرنى ،
ئوقىغانمۇ بىرەر قارى نىكاھىڭنى ،
ئەجدادىدىن تېنىپ كەتكەن ھەي مودا قىز.

ئاتا-ئاناڭ تۇققانمىتى چوڭ كوچىغا ،
يا كى دىبا قاۋاقخانا ، مەيخانىغا ،
چىۋىن ئامراق نىجاسەتنىڭ سېسىقىغا،
يارىمايسەن يىگىتلەرنىڭ سەر خىلىغا،
يىڭنە چاغلىق قىممتى يوق ھەي مودا قىز.

ئەل جامائەت توۋا دېيىشىپ ياقا تۇتتى ،
بىر-بىرىگە پىچىرلىشىپ كۆز قىسىشتى،
پاناھ بېرىڭ بۇنداق قىزدىن دەپ كۈلۈشتى ،
شۇ بىگۇناھ ئانىسىغا سەت قاراشتى،
ئاتا قەددى ئىگىۋەتكەن ھەي مودا قىز.

ئۇيغۇر قىزى پەرىلەردەك گۈل يۈز ئىدى ،
ياندىن ئۆتسەڭ گۈپىلدەيتى ئىپار ھېدى ،
كەشتە تىكەر ،تاماق ئېتەر ئىشچان قولى ،
يۈرەكلەرگە ئوتنى ياقار پەزىلتى ،
شەرمى-ھايا، ئار-نۇمۇسلۇق ھەي چىۋەر قىز .

ئەتلەس كۆينەك ،چىمەن دوپپا ياراشقانتى ،
چوڭ-كىچىكلەر ھەۋەس بىلەن قاراشقانتى ،
كېلىن قىلاي دەپ ئانىلار تالاشقانتى ،
ئىشقى بىلەن شوخ يىگىتلەر ماراشقانتى،
قىز خىسلىتى شۇنداق بولۇر ھەي مودا قىز.

بىلسەڭ ئەگەر يىگىت كۆيەر ناز-خۇلقىغا ،
قىزغا لايىق پاك جىسمىغا، ئەخلاقىغا،
زەپ ئۇياتچان ، پەرى سۈپەت جامالىغا،
پاك مۇھەببەت ، ئەقىدىسى ، ۋاپاسىغا،
بەس! ئەسلىڭنى تېپىۋالغىن ھەي مودا قىز.